بلوچستان صوبائی اسمبلی 47قومی اسمبلی کے 15امیدواروں کی کامیابی کا نوٹیفکیشن جاری

بلوچستان صوبائی اسمبلی 47قومی اسمبلی کے 15امیدواروں کی کامیابی کا نوٹیفکیشن جاری

• August 7, 2018, 10:40 pm
• National News
• 397 Views

کوئٹہ (آئی این پی) الیکشن کمیشن آف پاکستان نے بلوچستان کے صوبائی اسمبلی کے 50میں سے 47جبکہ قومی اسمبلی کے 16میں سے 15حلقوں سے کامیاب ہونے والے امیدواروں کے نوٹیفکیشنز جاری کردئیے ہیں ،حلقہ پی بی 26، حلقہ پی بی 36اور حلقہ پی بی 41سے کامیاب ہونے والے امیدواروں کے نوٹیفکیشنزکو روک دیاگیاہے،بلکہ حلقہ پی بی 35پربلوچستان عوامی پارٹی کے امیدوار نواب زادہ سراج رئیسانی کی 100سے زائد کارکنوں سمیت بم دھماکے میں شہادت کے بعد انتخابات ملتوی کردئیے گئے تھے ۔الیکشن کمیشن آف پاکستان کے جاری کردہ نوٹیفکیشن کے مطابق بلوچستان سے قومی اسمبلی کے 16نشستوں میں سے این اے271کا نوٹیفکیشن امیدوار کی جانب سے انتخابی اخراجات کے گوشوارے جمع نہ کرانے کے باعث روک دیا ہے جبکہ دیگر 15نشستوں این اے257پرمولاناعبدالواسع ،این اے258پر محمد اسرار ترین ،این اے259پر نواب زادہ شاہ زین بگٹی ،این اے260پر خالد حسین مگسی ،این اے261پر میر خان محمد جمالی ،این اے262پر مولوی کمال الدین ،این اے263پر مولاناصلاح الدین ،این اے264پر مولاناعصمت اللہ ،این اے265پر محمد قاسم خان سوری ،این اے266پر آغا حسن بلوچ،این اے267پر سید محمود شاہ ،این اے268پر محمد ہاشم نوتیزئی ،این اے269پر سرداراخترمینگل ،این اے270پر احسان اللہ ریکی اور این اے272پر محمد اسلم بھوتانی کی کامیابی کانوٹیفکیشن جاری کیاگیاہے ۔اس کے علاوہ بلوچستان اسمبلی کے 51صوبائی نشستوں میں سے 50پر عام انتخابات کاانعقاد کیاگیاتھا الیکشن کمیشن کی جانب سے 47حلقوں پر کامیاب ہونے والے امیدواروں کانوٹیفکیشن جاری کیاگیاہے جبکہ 3حلقوں حلقہ پی بی 26، حلقہ پی بی 36اور حلقہ پی بی 41پر کامیاب ہونے والے امیدواروں کانوٹیفکیشن روک دیاگیاہے ۔حلقہ پی بی 35پر بلوچستان عوامی پارٹی کے نواب زادہ سراج رئیسانی کی شہادت کے باعث انتخابات ملتوی کردئیے گئے تھے ،الیکشن کمیشن کی جانب سے بلوچستان کے 47حلقوں پی بی 01پر سردار بابر خان ،پی بی 2پر مٹھا خان ،پی بی 3پر مولانانوراللہ ،پی بی 4پر محمد خان اوتمانخیل ،پی بی 5پر مسعود علی خان ،پی بی 6پر نورمحمددمڑ ،پی بی 7پر سردارسرفرازچاکر ڈومکی ،پی بی 8پر سردارعبدالرحمن کھیتران ،پی بی 9پر میر نصیب اللہ مری ،پی بی 10پر گہرام بگٹی ،پی بی 11نصیرآباد1پر میر سکندر علی ،پی بی 12نصیر آبادٹو پر محمد خان لہڑی ،پی بی 13جعفرآباد ون پر عمر خان جمالی ،پی بی14جعفرآباد ٹو پر میر جان محمد جمالی ،پی بی 15 پر سلیم احمد ،پی بی 16پر نواب زادہ طارق مگسی ،پی بی 17پر سرداریارمحمدرند ،پی بی 18پر عبدالواحد صدیقی ،پی بی 19پر اصغر علی ترین ،پی بی 20پر سید محمد فضل آغا ،پی بی 21پر زمرک خان اچکزئی ،پی بی 22پر محمدنواز ،پی بی 23پر اصغرخان اچکزئی ،پی بی 24پر ملک نعیم خان بازئی ،پی بی 25پر ملک سکندرایڈووکیٹ ،پی بی 27پر عبدالخالق ہزارہ ،پی بی 28پر محمدمبین خلجی ،پی بی 29پر اخترحسین لانگو ،پی بی 30پر احمد نواز بلوچ ،پی بی 31پر نصراللہ بڑیچ ،پی بی 32پر نصیراحمد شاہوانی ،پی بی 33پر محمد رحیم ،پی بی 34پر محمد عارف ،پی بی 37پر میر ضیاء اللہ ،پی بی 38پر نواب ثناء اللہ زہری ،پی بی 39پر میر یونس عزیز لہڑی ،پی بی 40پر سرداراخترمینگل ،پی بی 42پر ثناء اللہ بلوچ ،پی بی 43پر اسد اللہ ،پی بی 44پر عبدالقدوس بزنجو ،پی بی 45پر ظہوراحمدبلیدی ،پی بی 46پر سید احسان شاہ ،پی بی 47پر عبدالرؤف رند ،پی بی 48پر میر اکبر آسکانی ،پی بی 49پر محمد صالح بھوتانی ،پی بی 50پر جام کمال خان ،پی بی 51پر میر حمل کلمتی کی کامیابی کانوٹیفکیشن جاری کیاگیاہے ۔