کوئٹہ مچھ اور سبی میں زلزلے کے جھٹکے ، خوف وہراس

کوئٹہ مچھ اور سبی میں زلزلے کے جھٹکے ، خوف وہراس

• December 17, 2018, 12:00 am
• National News
• 210 Views

کوئٹہ(ویب ڈیسک)کوئٹہ اور سبی میں زلزلے کے شدید جھٹکے محسوس کئے گئے لوگوں میں خوف و ہراس پھیل گیا اور لوگ گھروں،دفاتر اور دکانوں سے کلمہ طیبہ کا ورد کرتے ہوئے باہر کھلی جگہوں پر نکل آئے کوئٹہ اور اس کے گردو نواح میںآنے والے زلزلے کی شدت ریکٹر اسکیل پر 4 اعشاریہ2 ریکارڈ کی گئی زلزلہ پیما مرکز کے مطابق کوئٹہ میں دوپہر 12بجکر12 منٹ پر زلزلے کے جھٹکے محسوس کیے گئے، جس کا مرکز کوئٹہ کے مشرق میں 47کلو میٹر دور تھا اور زیرزمین اس کی گہرائی 50کلو میٹر ریکارڈ کی گئی مچھ میں زلزلے کی شدت 4.7ریکارڈ کی گئی بلوچستان کے ضلع سبی میں زلزلے کی شدت 3 اعشاریہ 8 ریکارڈ کی گئی زلزلہ پیما مرکز کے مطابق سبی میں دوپہر 12 بجکر 26 منٹ پر زلزلے کے جھٹکے محسوس کئے گئے، زلزلے کا مرکز سبی کے جنوب میں 65کلو میٹر دور تھا اورزیرزمین اس کی گہرائی35 کلو میٹر ریکارڈ کی گئی زلزلے کے جھٹکوں سے کسی قسم کا نقصان نہیں ہوا ۔