نیٹو کے ڈی جی انٹرنیشنل ملٹری اسٹاف کا جی ایچ کیو کا دورہ، آرمی چیف سے ملاقات

نیٹو کے ڈی جی انٹرنیشنل ملٹری اسٹاف کا جی ایچ کیو کا دورہ، آرمی چیف سے ملاقات

• November 7, 2019, 2:44 pm
• Political News
• 94 Views

راولپنڈی: پاک فوج کے شعبہ تعلقات عامہ( آئی ایس پی آر) کا کہنا ہے کہ نیٹو کے ڈی جی انٹرنیشنل ملٹری اسٹاف نے جی ایچ کیو کا دورہ کیا اور آرمی چیف جنرل قمرجاوید باجوہ سے ملاقات کی۔

تفصیلات کے مطابق آئی ایس پی آر کا کہنا ہے کہ آرمی چیف جنرل قمرجاویدبا جوہ سے نیٹو کے ڈی جی لیفٹیننٹ جنرل ہانس ورنر نے ملاقات کی اس دوران باہمی دلچسپی اور علاقائی سیکیورٹی صورت حال پر تبادلہ خیال کیا گیا۔

پاک فوج نے کہا ہے کہ نیٹو کے ڈی جی نے خطے میں امن کے لیے پاک فوج کے کردار کی تعریف کی، اور پاکستان کی عسکری طاقت کو بھی سراہا، ملاقات میں باہمی دلچسپی کے امور پر اہم گفتگو ہوئی۔

خیال رہے کہ رواں سال اگست میں چین کے وائس چیئرمین سینٹرل ملٹری کمیشن نے جی ایچ کیو کا دورہ کیا تھا، وائس چیئرمین سینٹرل ملٹری کمیشن چین جنرل ژو کلیانگ نے جی ایچ کیو میں آرمی چیف جنرل قمر جاوید باجوہ سے ملاقات کی تھی۔

آرمی چیف اور چینی جنرل کے درمیان ملاقات میں باہمی دل چسپی، علاقائی سیکورٹی اور دفاعی تعاون پر گفتگو ہوئی تھی، ملاقات میں مقبوضہ کشمیرکی صورت حال پر خصوصی تبادلہ خیال کیا گیا تھا۔