کورونا وائرس؛ بلوچستان کے تینوں انٹر نیشنل بارڈر پر اسکریننگ شروع

کورونا وائرس؛ بلوچستان کے تینوں انٹر نیشنل بارڈر پر اسکریننگ شروع

• February 27, 2020, 1:27 pm
• Breaking News
• 498 Views

کوئٹہ: کورونا وائرس کے خطرے کے باعث بلوچستان کے تینوں انٹر نیشنل بارڈر پر اسکریننگ شروع کردی گئی ہے۔

وفاقی مشیر محکمہ صحت ڈاکٹر ظفر مرزا نے میڈیا بات کرتے ہوئے کہا ہے کہ کورونا وائرس ہمسایہ ممالک میں تیزی سے پھیل رہا ہے، ہمارے ہزاروں زائرین اور طلبا ایران میں ہیں، اس حوالےسے بلوچستان کے تینوں انٹر نیشنل بارڈر پر اسکریننگ شروع کردی گئی ہے کیوں کہ پاکستان میں داخل ہونے والوں کی بہتر اسکریننگ سے وائرس کا مقابلہ کر سکتے ہیں۔

انہوں نے کہا کہ کل تفتان جاوٴں گا اورکرونا سے نمٹنے کے لئے انتظامات کا جائزہ لوں گا جب کہ سرکاری اسپتالوں میں انتظامات کو یقینی بنانے کے لئے کام کر رہے ہیں۔