کوئٹہ،10 بستروں پر مشتمل آئسولیشن وارڈ قائم

  • February 28, 2020, 12:15 pm
  • National News
  • 302 Views

کوئٹہ میں کوروناوائرس کے حوالے سے فاطمہ جناح چیسٹ اینڈ جنرل اسپتال میں 10 بستروں پر مشتمل آئسولیشن وارڈ قائم کردیا گیا ہے۔

انچارج آئسولیشن وارڈ ڈاکٹرصادق کے مطابق وارڈمیں 24 گھنٹے ڈاکٹرز اور طبی عملہ موجود رہے گا،جبکہ کورونا کی تشخیص کے لئے خصوصی لیبارٹری کٹس اسلام آباد سےمنگوائی گئی ہیں۔

انہوں نے بتایا کہ کوروناوائرس سےتحفظ کے لئے خصوصی لباس بھی منگوائے گئے ہیں۔

دوسری جانب ایئرپورٹ ذرائع کا کہنا ہے کہ کوئٹہ ائرپورٹ پر بیرون ملک سے آنے والے مسافروں کی اسکریننگ کا عمل جاری ہے، ائرپورٹ پر دبئی اور شارجہ سے آنے والے تمام مسافروں کی اسکریننگ کی جارہی ہے۔

ایئرپورٹ ذرائع کے مطابق بین الاقوامی پروازوں سے آنے والے کسی مسافر میں کوروناوائرس کا شبہ نہیں پایا گیا ہے۔

Featured News