بلوچستان میں ایک روز کے دوران 10 افراد میں کرونا وائرس کی تصدیق

بلوچستان میں ایک روز کے دوران 10 افراد میں کرونا وائرس کی تصدیق

• April 5, 2020, 2:16 pm
• COVID-19
• 158 Views

کوئٹہ: محکمہ صحت کے مطابق بلوچستان میں گزشتہ روز 10 افراد کرونا وائرس سے متاثر ہوئے جس کے بعد صوبے میں کرونا وائرس کیسز کی تعداد 185 ہوگئی ہے۔

تفصیلات کے مطابق محکمہ صحت کا کہنا ہے کہ بلوچستان میں کرونا وائرس کیسز کی تعداد 185 ہوگئی ہے، 7 دن میں 44 افراد مقامی طور پر کرونا وائرس کا شکار ہوگئے۔

محکمہ صحت کی رپورٹ کے مطابق گزشتہ روز مقامی طور پر کرونا وائرس سے متاثرہ 10 افراد رپورٹ ہوئے، یہ ایک دن میں مقامی طور پر متاثرہ مریضوں کی سب سے بڑی تعداد ہے۔

رپورٹ میں کہا گیا کہ مثبت آنے والوں میں 2 ڈاکٹر اور 3 ڈی جی ہیلتھ کے ملازمین بھی شامل ہیں جبکہ ایک ٹیکنیشن سمیت 11 ڈاکٹرز کرونا وائرس کا شکار ہیں۔

محکمہ صحت کا مزید کہنا ہے کہ 136 مریض بیرون ملک جبکہ 5 نے اندرون ملک کا سفر کیا۔

خیال رہے کہ نیشنل کمانڈ اینڈ کنٹرول سینٹر کے مطابق ملک بھر میں اب تک کرونا وائرس سے 45 افراد جاں بحق ہوچکے ہیں جبکہ وائرس سے متاثر ہونے والے افراد کی تعداد 2 ہزار 880 ہوگئی ہے۔