شرپسندوںکے سرکی کی قیمت مقررکرینگے،آئی جی ایف سی سائوتھ

شرپسندوںکے سرکی کی قیمت مقررکرینگے،آئی جی ایف سی سائوتھ

• April 21, 2020, 12:13 am
• National News
• 136 Views

شرپسندوںکے سرکی کی قیمت مقررکرینگے،آئی جی ایف سی سائوتھ
ٹھکانوں کے بارے میںمعلومات فراہم کرنیوالوں کوانعام دیاجائیگا،میجرجنرل سرفراز علی
تربت(ویب ڈیسک ) آئی جی ایف سی( سا ئو تھ) میجر جنرل سرفراز علی نے کہا کہ عوام کی ترقی اور معیار زندگی بلند کرنے کیلئے کوشاں ہیں عوام کو ہرممکن سہولیات کی فراہمی کیلئے بھرپور اقدامات کررہے ہیں ۔جلدشرپسندوںکے سرکی قیمت مقررکرینگے ان خیالات کا اظہار انہوں نے مند کے دورہ کے موقع پر مختلف شعبہ ہائے زندگی سے تعلق رکھنے والے افراد سے ملاقات کے موقع پر کیا اس دوران آئی جی نے علاقہ کی بہتری کے لیے جو اقدامات کیئے گئے ہیں ان کے بارے میں لوگوں کو بتایا آئی جی نے کہا کہ علاقے کے لوگ پر امن ماحول اور ترقی کے مستحق ہیں علاقے کے لوگوں کے تعاون سے ایف سی مند کو ایک بہتر اور پرامن جگہ بنائے گی ایک سرحدی شہر ہونے کی وجہ سے یہ پاکستان اور ایران کے تعلقات سے براہ راست متاثر ہوتا ہے۔ دونوں ممالک کے مابین تیسری پارٹی کے ذریعہ پیدا ہونے والی تمام غلط فہمیوں کو ختم کرنے کی کوشش کی جارہی ہے وزیراعلیٰ بلوچستان سے درخواست کی گئی ہے کہ وہ زبیدہ جلال روڈ ، بلیدہ عبدوئی روڈ ، وکائی روڈ ، بالنگور روڈ ، بلیدہ پروم روڈ کی تعمیر اور مرمت کو ترجیح دیں۔ مواصلات کے حوالے سے بات چیت کرتے ہوئے کہا کہ ایرانی موبائل سم پر انحصار ختم کرنے کے لئے موبائل کمپنیوں کو اپنے نیٹ ورک کو بڑھانے کے لئے قائل کرنے کی بھی کوشش جاری ہے۔ اسی طرح پی ٹی سی ایل کو علاقے میں اپنی خدمات کا آغاز کرنے کے لئے استعمال کیا جارہا ہے تاکہ لوگوں کو جلد سے جلد انٹرنیٹ کی سہولت مل سکے۔ مقامی لوگوں کی سہولت کے لئے بینکنگ سیکٹر سے بھی رابطہ کیا جارہا ہے تاکہ لوگوں کی سہولت کے لئے سرحدی علاقوں میں بینک کھولے جائیں۔ کورونا وائرس اور بارڈر کی بندش کی وجہ سے مقامی لوگوں کا کاروبار بہت متاثر ہوا ہے۔ ماہ رمضان کے لیے ایف سی نے ضرورت مندوں کے لئے راشن کا بندوبست کیا ہے۔ جو ملک دشمن عناصر بیرون ملک بیٹھے ہوئے مقامی لوگوں کو گمراہ کررہے ہیں۔ ان کا یہ خواب کبھی پورا نہیں ہوگا۔ گمراہ مقامی لوگوں کو ہتھیار ڈالنے اور مرکزی دھارے میں شامل ہونے پر راضی کرنے کی ضرورت ہے انہیں نوکری دی جائے گی جلد ہی تمام شرپسندوں پر ہیڈ منی کا اعلان کیا جائے گا۔ شرپسند عناصر کے ٹھکانے کے بارے میں تمام معلومات فراہم کرنے پر انہیں انعام دیا جائے گا اور ان کی شناخت کو خفیہ رکھا جائے گا۔ علاقے میں اساتذہ اور ڈاکٹروں کی ضرورت ہے۔ مقامی افراد ایسے لوگوں کی شناخت میں اپنا کردار ادا کریں اور انہیں یہاں کام کرنے پر راضی کریں انہیں پرکشش تنخواہ دی جائے گی مقامی لوگوں نے آئی جی کا تہہ دل سے مند کا دورہ کرنے پر شکر ادا کیا اور ایف سی بلوچستان سائوتھ کی قربانیوں کو سراہا۔