ٹڈی دل کے خاتمے کے لیے ملک بھر میں اسپرے کیا گیا، این ڈی ایم اے

ٹڈی دل کے خاتمے کے لیے ملک بھر میں اسپرے کیا گیا، این ڈی ایم اے

• May 18, 2020, 10:50 am
• National News
• 117 Views

نیشنل ڈیزاسٹر مینجمنٹ اتھارٹی (این ڈی ایم اے) کے ترجمان نے کہا ہے کہ ملک بھر کے51 اضلاع ٹڈی دل کے حملہ سے متاثر ہیں۔

ترجمان این ڈی ایم اے کے مطابق ٹڈی دل سے متاثرہ علاقوں میں سروے اور اسپرے آپریشن جاری ہے۔ بلوچستان میں گذشتہ 24 گھنٹوں کے دوران ایک لاکھ 32 ہزار ہیکٹر رقبہ کا سروے اور 6 ہزار 690 ہیکٹر رقبہ پر اسپرے کیا گیا۔
ترجمان کے مطابق پنجاب میں 75 ہزار ہیکٹر رقبہ کا سروے اور 2 ہزار ہیکٹر پر اسپرے کیا گیا۔
ترجمان کا کہنا ہے کہ خیبر پختونخوا میں تقریباً 71 ہزار ہیکٹر رقبہ کا سروے ہوا اور 492 ہیکٹر رقبہ کی ٹریٹمنٹ ہوئی۔

سندھ میں گذشتہ روز ایک لاکھ 50 ہزار ہیکٹر سروے اور 28 ہیکٹر رقبہ ٹریٹمنٹ کیا گیا۔
بلوچستان کے 27، خیبر پختونخواہ کے 9، پنجاب کے 13 اور سندھ کے 2 اضلاع شامل ہیں۔