طبی ماہرین نے ملک میں کورونا کے پھیلاؤ کو روکنے کا فارمولا بتا دیا

طبی ماہرین نے ملک میں کورونا کے پھیلاؤ کو روکنے کا فارمولا بتا دیا

• June 11, 2020, 2:19 pm
• COVID-19
• 238 Views

طبی ماہرین نے کورونا وائرس کو روکنے کا فارمولا بتا دیا۔تفصیلات کے مطابق طبی ماہرین نے خبردار کیا ہے کہ کورونا کسی نہ کسی طرح ہماری زندگی کا حصہ رہے گا اور اس کا پھیلاؤ روکنے کے لیے پندرہ روزہ سخت کرفیو لگانا ہوگا۔وائس چانسلر یونیورسٹی آف ہیلتھ سائنسز لاہور ڈاکٹر جاوید اکرم کا کہنا ہے کہ کورونا سے صحتیاب ہونے والا مریض اپنا پلازمہ عطیہ کرسکتا ہے۔
معروف طبی ماہر ڈاکٹر طاہر شمسی کا کہنا ہے کہ لاک ڈاؤن اور کورونا دونوں کو مذاق اڑایا گیا۔جس کا خمیازہ اب بھگتنا پڑ رہا ہے۔عالمی ادارہ صحت نے پاکستانی حکومت کے نام خط میں ایک ماہ کے لیے لاک ڈاؤن نافذ کرنے کی تجویز دی ہے۔عالمی ادارہ صحت نے پاکستان کو خبردار کیا ہے کہ لاک ڈاؤن میں نرمی کے بعد کورونا کیسز میں چار سو فیصد تک اضافہ ہوا۔
لاک ڈاؤن میں نرمی سے پہلے شرائط کو یقینی بنایا جائے تاہم تاحال پاکستان ایک پر بھی پورا نہیں اترتا۔مجموعی کورونا کیسز میں سے کراچی میں 33 فیصد سے زائد،لاہور میں 18،پشاور اور کوئٹہ میں پانچ پانچ جبکہ راولپنڈی میں 3 فیصد سے زائد مریض موجود ہیں۔پاکستان میں ہونے والے ٹیسٹ میں 24 فیصد مثبت آرہے ہیں ۔ جبکہ عالمی ادارہ صحت کے مطابق یہ شرح 5 فیصد تک ہونی چاہیے تھی۔
موجودہ صورتحال میں ٹیسٹوں کی یومیہ استعداد کار پچاس ہزار تک بڑھانا ناگزیر ہے۔لاک ڈاؤن میں نرمی کے لیے ڈبلیو ایچ او کی مقرر کردہ شرائط میں سے پاکستان کسی ایک پر بھی پورا نہیں اترتا۔قبل ازیں ا۔ڈاکٹر جاوید اکرم نے پورے ملک میں 15 دن کے لیے کرفیو لگانے کا مطالبہ کیا تھا۔نہوں نے کہا کہ ملک میں جو پہلے لاک ڈاؤن نافذ کیا گیا اس کو لاک ڈاؤن کہنا غلط ہے۔
انہوں نے کہا کہ کرفیو نافذ کرنے کے لیے پاکستانی افواج کو بھی حصہ لینا پڑے گا۔15 دن کے کرفیو سے ملک میں کورونا وائرس کے پھیلاؤ پر قابو پایا جا سکتا ہے۔علاوہ ازیں یونیورسٹی آف ہیلتھ سائنسز کے وائس چانسلر پروفیسر ڈاکٹر جاوید اکرم نے کہا ہے کہ پاکستان میں کورونا کی صورتحال خاصی تشویشناک ہے اور ہر گھنٹے چار قیمتی جانیں ضائع ہو رہی ہیں