کوئٹہ: میٹروپولیٹن کارپوریشن کے عملے کی غفلت، صفائی کا نظام درہم برہم

کوئٹہ: میٹروپولیٹن کارپوریشن کے عملے کی غفلت، صفائی کا نظام درہم برہم

• July 5, 2020, 12:09 pm
• National News
• 139 Views

کوئٹہ میں میٹروپولیٹن کارپوریشن کے عملے کی غفلت کے باعث صفائی کا نظام درہم برہم ہوگیا۔

شہر کی گلیوں محلوں کے ساتھ ساتھ اب شاہراہوں پر بھی جابجا کچرے کے ڈھیر لگ گئے۔

کوئٹہ کے علاقوں سبزل روڈ، جیل روڈ، کواری روڈ، بروری، سیٹلائٹ ٹاؤن، سمنگلی روڈ سمیت دیگر علاقوں میں ان دنوں صفائی کی صورتحال ابتر ہو کر رہ گئی ہے۔

ان علاقوں میں جابجا کچرے کے ڈھیر اور بند نالے نالیوں سے بہتا ہوا گندہ پانی علاقہ مکینوں کے لیے وبال جان بنا ہوا ہے۔

اس سلسلے میں میٹروپولیٹن کارپوریشن کے حکام کا کہنا ہے کہ کوئٹہ میں روزانہ پیدا ہونے والے کچرے کا نصف کارپوریشن کا عملہ اپنے وسائل سے اٹھا لیتا ہے۔

ان کا یہ بھی کہنا تھا کہ رہ جانے والے کچرے کی وجہ سے کہیں کہیں کچرے کے ڈھیر نظر آتے ہیں جس کے لیے خصوصی مہم چلائی جاتی ہیں۔