بچوں کے ساتھ زیادتی کرنے والے ٹیچر کی ایک اور ویڈیو سامنے آ گئی

  • July 20, 2020, 2:33 pm
  • Breaking News
  • 276 Views

بچوں سے زیادتی کرنے والے ٹیچر کا کرمنل ریکارڈ بھی سامنے آگیا ہے۔ملزم پر ڈکیتی سمیت تین سے زائد مقدمات درج ہیں۔اس کے علاوہ ملزم کی ایک اور ویڈیو بھی سامنے آئی ہے جس میں اسے جیل میں دیگر قیدیوں کے ہمراہ گانے سے محفوظ ہوتے دیکھا جا سکتا ہے۔ویڈیو میں سارنگ شر کو ساتھی قیدی کے گیت گنگنانے پر جھومتے ہوئے دیکھا جا سکتا ہے۔
ملزم کے لیے جیل کوئی بڑی بات نہیں ہے اور یہ پہلے بھی جیل میں رہ چکا ہے۔کہا جا رہا ہے کہ لاک اپ سے وائرل ہونے والی ویڈیو سارنگ شر کی ایک پرانی ویڈیو ہے۔سارنگ شر کو نوشہرو فیروز کے تھانہ بالانی میں ڈکیتی کے الزام میں گرفتار کیا گیا تھا اور یہ ویڈیو بھی اس وقت ہی بنائی گئی تھی۔یہ بات ایس ایس پی خیرپورنے اس حوالے سے جاری کیے گئے ایک بیان میں کہی ہے۔
ایس ایس پی خیر پور کے مطابق طالب علموں سے زیادتی کرنے والے ملزم سارنگ شر کی لاک اپ کی سوشل میڈیا پر وائرل ہونے والی ویڈیو پرانی ہے۔انہوں نے کہا کہ ملزم ڈکیتی کے الزام میں 2015 میں نوشہرو فیروز میں گرفتار ہوا تھا۔ ویڈیومیں دیکھا جا سکتا ہے کہ ملزم سارنگ شر نے لاک اپ میں دیگر قیدیوں کے ساتھ محفل سجائی ہوئی ہے۔ویڈیومیں طلبہ کے ساتھ زیادتی کرنے والے ملزم کے چہرے پر شرمندگی کے بھی کوئی آثار نہیں ہیں۔



علاوہ ازیں خیرپور میں ٹیچر کی طالب علموں سے زیادتی کیس میں پولیس نے ایک شخص کو حراست میں لے لیا، ملزم اظہار خاصخیلی کے پاس ٹیچر سارنگ شر کی قابل اعتراض ویڈیوز تھیں اور وہ ٹیچر کو بلیک میل کر کے پیسے وصول کرتا تھا۔ پولیس کے مطابق ٹھری میرواہ میں طالب علموں سے زیادتی کرنے والے ٹیچر سارنگ شر کو بلیک میل کرنے والے ایک ملزم اظہار خاصخیلی کو پولیس نے حراست میں لے لیا ہے۔
ملزم اظہار خاصخیلی کے پاس ٹیچر سارنگ شر کی قابل اعتراض ویڈیوز تھیں اور وہ ٹیچر کو بلیک میل کر کے پیسے لیتا تھا۔ملزم نے مزید رقم نہ دینے پر ٹیچر کی قابل اعتراض ویڈیو سوشل میڈیا پر وائرل کر دیں تھیں۔پولیس نے ملزم ٹیچر سارنگ شر کو بھگانے کی کوشش کے الزام میں ایک ٹیکسی ڈرائیور کو بھی حراست میں لیا ہے ، ٹیچر سارنگ شر دو روزہ جسمانی ریمانڈ پر پولیس حراست میں ہے۔

Featured News