بلوچستان میں جیسا کام عمران خان کی قیادت میں ہورہا ہے ویسا پہلے کبھی نہیں ہوا، اسد عمر
- July 6, 2021, 4:44 pm
- National News
- 88 Views
وفاقی وزیر برائے منصوبہ بندی اسد عمر کا کہنا ہے کہ بلوچستان میں جیسا کام عمران خان کی قیادت میں ہورہا ہے ویسا پہلے کبھی نہیں ہوا۔
اسد عمر نے جنوبی بلوچستان پیکیج کے حوالے سے بریفنگ میں کہا کہ نارتھ فری زون گوادر کے پہلے زون سے 35 گنا زیادہ بڑا انڈسٹریل زون ہے، چینی سرمایہ کاروں نے اس زون میں بھرپور سرمایہ کاری کرنے کے عزم کا اظہار کیا ہے۔
انہوں نے کہا کہ چینی سرمایہ کاروں نے ایک ارب ڈالر سے زائد کی سرمایہ کاری کا بتایا، وزیرِ اعظم نے نومبر میں اس علاقے کے لیے تاریخی پیکیج کا اعلان کیا۔
وفاقی وزیر نے کہا کہ وزیرِ اعظم نے دورہ گوادر کے دوران بلوچستان پیکیج کی پیش رفت کا جائزہ لیا، 600 ارب روپے سے زائد کے پیکیج سے 53منصوبے اس سال کے ترقیاتی پروگرام میں شامل ہیں
اسد عمر نے کہا کہ نوجوانوں کو انٹرنیٹ کی جدید سہولیات فراہم کی جا رہی ہیں، وفاقی پی ایس ڈی پی میں بلوچستان کے لئے کُل 1200ارب کے منصوبے ہیں، بلوچستان میں اس پیمانے پر ترقیاتی کام پاکستان کی تاریخ میں پہلے نہیں ہوا۔
انہوں نے کہا کہ ترقیاتی کام بلوچستان حکومت کی شراکت سے کیا جا رہا ہے، جیسا کام وزیراعظم کی قیادت میں ہورہا ہے ویسا پہلے کبھی نہیں ہوا۔
