جیکب آباد میں مختلف مقامات سے 2تشدد زدہ لاشیں برآمد

جیکب آباد میں مختلف مقامات سے 2تشدد زدہ لاشیں برآمد

• April 26, 2015, 8:24 pm
• National News
• 35 Views

جیکب آباد(آئی این پی) جیکب آباد میں مختلف مقامات سے 2تشدد زدہ لاشیں برآمد، گاڑی الٹنے سے محنت کش جاں بحق۔ تفصیلات کے مطابق جیکب آباد میں مختلف مقامات سے 2تشدد زدہ لاشیں ملی ہیں جبکہ گاڑی الٹنے کے باعث ایک محنت کش جاں بحق ہوگیا ہے، جیکب آباد کے مولاداد تھانہ کی حدود میں کھیت سے 40سالہ عبدالرشید ڈومکی کی تشدد زدہ لاش برآمد ہوئی ہے ۔پولیس نے لاش کو سول ہسپتال سے پوسٹ مارٹم کے ورثہ کے حوالے کردیاتاہم آخری اطلاعات تک قتل کی وجوہات معلوم نہیں ہوسکی، علاوہ ازیں ایک اور واقعے میں دلمراد تھانہ کی حدودحفیظ آباد میں نہر سے 22سالہ ظہور احمد بروہی کی تشدد زدہ لاش برآمد ہوئی ہے،پولیس نے پہنچ کر لاش کو سول ہسپتال پہنچایا ،نوجوان کا تعلق قصبہ رضا محمد بروہی سے بتایا جارہا ہے، نوجوان کی لاش گھر پہنچنے پر کہرام مچ گیا جبکہ حدود کی تھانہ پر مقدمہ درج نہیں ہوسکا ہے ، دریں اثنا ء گڑہی خیرو کے سیف اللہ چیک پوسٹ کے قریب اوستہ محمد بلوچستان سبزی لے کر جانے والی مزدہ گاڑی تیز رفتاری کے باعث الٹ گئی جس کے نتیجے میں محنت کش لاہوتی بوہڑ جاں بحق ہوگیا۔