فرنٹیئرکوربلوچستان کا پٹ فیڈرکے علاقے سورکلی اورگمبدمیں سرچ آپریشن

فرنٹیئرکوربلوچستان کا پٹ فیڈرکے علاقے سورکلی اورگمبدمیں سرچ آپریشن

• May 9, 2015, 9:23 pm
• Breaking News
• 53 Views

کوئٹہ ( آئی این پی ) فرنٹیئرکوربلوچستان کا پٹ فیڈرکے علاقے سورکلی اورگمبدمیں سرچ آپریشن، کارروائی کے دوران 03شرپسند گرفتار ، خودکارہتھیار برآمد۔دوسری کارروائی میں ایف سی نے قلات کے علاقے منگوچرمیں چھاپے کے دوران کالعدم تنظیم بی ایل اے کے03دہشتگرد گرفتارکرلیئے۔ایف سی نے حب اورکوئٹہ میں کارروائی کرتے ہوئے غیر قانونی 43440لٹر ایرانی ڈیزل قبضے میں لے لیا ۔ تفصیلات کے مطابق فرنٹیئرکوربلوچستان نے پٹ فیڈرکے علاقے سورکلی اورگمبدمیں سرچ آپریشن کرتے ہوئے 03شرپسندوں کو گرفتارکرلیا،گرفتارشرپسندوں کے قبضے سے خودکار ہتھیار برآمدکرلیئے گئے۔برآمد کیئے گئے اسلحہ میں 01عدد رائفل8ملی میٹر بمعہ 39 راؤنڈز،03عددایس ایم جیز بمعہ66راؤنڈز،اور01عددموٹر سائیکل شامل ہے۔ گرفتار شرپسندوں سے تفتیش جاری ہے۔دوسری کارروائی میں ایف سی نے خفیہ ا طلاع پر قلات کے علاقے منگوچرمیں چھاپے کے دوران کالعدم تنظیم بی ایل اے کے 03دہشتگردوں کو گرفتار کرلیا،گرفتار دہشتگردوں سے مزید تفتیش جاری ہے۔ایک اور کارروائی میں ایف سی نے حب میں لیڈاچیک پوسٹ پر غیرقانونی ڈیزل کی اسمگلنگ ناکام بناتے ہوئے 13440لٹر ایرانی ڈیزل قبضے میں لے کسٹم حکام کے حوالے کردیا۔ ایرانی ڈیزل مسافربسوں کے ذریعے گوادر اور تربت کے راستے کراچی اسمگل کیاجاناتھا۔اسی طرح کوئٹہ میں کارروائی کرتے ہوئے غیر قانونی 30000لٹر ایرانی ڈیزل قبضے میں لے لیاگیا۔ اس کے علاوہ ایف سی نے کوئٹہ میں کارروائی کرتے ہوئے پانچ غیر قانونی افغان باشندے گرفتارکرلیئے۔